July 25, 2009 - 北海道之旅 Day 08

今日天陰, 早餐在酒店進食, 亦相當豐富, 好正. 終於完成了富良野美瑛之旅, 開始啟程回札幌. 第一站去芦別市"大橋櫻桃園", 俾錢入場後便可以任摘任食, 好多種類, 一路摘一路食, 還有員工介紹樹頂的櫻桃比較好食, 因吸收陽光. 在園內玩了一個多小時, 食到頂唔順, 才滿足地離開. 見時間充裕, 便去北竜町"ひまわりの里"睇有整張面咁大的向日葵, 果然好誇張, 幾大片花田都係向日葵, 真係好開心, 不枉揸咗一個多小時到來, 但在內用餐就麻麻, 終於要回札幌啦. 到了札幌酒店"Keio Plaza Hotel", 這一日是上網訂的因為不想之後轉酒店, 房間是 Semi-Double Room 兼冇包早餐, 房間比第一天酒店大少少, 但有按摩椅, 放低行李後便去還車, 終於平安地完成我第一次外地駕車之旅, 晚上約了朋友小夢(他們亦都是到北海道旅行)在薄野"成吉思汗だるま店"食烤羊肉. 食完後在附近的百貨公司逛逛, 還買了Fruitscake Factory嘅水果塔回酒店慢慢享用.

Sapporo Day 08 - 20090725