July 22, 2009 - 北海道之旅 Day 05

今天全員到齊, 但天氣仍是陰天. 今早在民宿食早餐, 都幾豐富, 蜜瓜好正. 第一站去"富良野體驗工房", 女子組參加造雪糕, 不過過程係每人混合自己的材料, 再將所有人整好的材料放在二部雪糕機內整雪糕, 然後每人造自己的格仔餅裝雪糕, 咁就完成, 過程大約四十分鐘. 雖然個雪糕唔係完全獨自完成, 不過都OK la. 順路參觀隔壁的"芝士工房", "Pizza 工房"和"雪糕工房". 第二站去"彩香の里", 中途看見一小幅向日葵花田, 好興奮落車影相, 但花嘅 Size 比較細. 到達目的地後, 周圍影相, 但天氣麻麻, 影相都麻麻地, 真失望, 決定唔去住富田農場, 等好天才去, 希望之後會有好天 la. 在小食亭試薰衣草雪糕和栗米, 栗米真係超甜呀. 第三站去"日の出公園", 之前在彩香の里都見到人影結婚相, 現在係這裡亦見到人影結婚相, 但都唔係日本人. 第四站去"森林精靈的陽台(Ningle Terrace)", 途中看見"北時計", 停車進內但餐廳今天休息, 只好在門口影完便走. 到達第四站, 係裡邊餐廳食下午茶, 出名食品係燒牛奶, 雖然叫燒牛奶, 但只是表面, 裡面係凍, 我就覺得麻麻, 可能我唔喜歡牛奶, 食完繼續遊覽和 Shopping. 之後去一間地道食店"香山食堂", Ceci 食出名的咖哩蛋包飯, 我就"是但"篤(因唔識日文), 原來點了一個豚肉套餐有飯有麵, 又大碟又好味兼價錢又平, 好滿意, 食完返回民宿休息.

Sapporo Day 05 - 20090722