July 20, 2009 - 北海道之旅 Day 03

今天早上天朗氣清, 一早起身先嘆溫泉再食Buffet早餐, 然後出發到"流星瀑布"拍照，再行過隔壁"銀河瀑布", 好靚. 行上對面的"雙瀑台", 足足行了三十分鐘才上到頂影瀑布, 好辛苦呀. 本來想去小函但發現條路封咗, 想沿路找吓有冇其他入口, 不經不覺便到了"大函", 影完後便揸車去旭川. 第一站係"旭川拉麵村", 地方好大找了一會才找到, 有很多間拉麵店選擇, 每間都有人排隊, 最後選了"梅光軒", 叫了拉麵和餃子, 碟餃子超正, 特別係餃子面上的蔥, 好鮮好美味.
食完後便去"旭山動物園", 重點睇猩猩, Monkey, 北極熊, 企鵝, 海獅, 再行逛一會兒後已到Closing Time. 離開動物園後便出發去美瑛民宿"民宿とまと(Pension Tomato)", 個GPS又找不到, 兜了一會兒才找到, 一入屋就聽到廣東話, 真親切, 原來民宿主人請了香港留學生幫手, 真開心. 晚上在民宿內享用晚餐, 水準不錯兼有好warm的感覺, 好滿意. 可能房間近馬路, 比較嘈, 但亦不影響我睡覺, 犀利嗎.
由旭川去美瑛, 途中險些兒出車禍, 可能一路平安無事, 警覺性低咗, 一條直路以為自己行緊大路, 習慣香港嘅Safe Drive, 沒有留意前方有個Stop標誌, 直沖而去, 突然望見左邊路口有車開出, 好彩我行快咗或佢行慢咗, 沒有相撞, 感謝主呀. 經一事長一智, 之後唔敢再大意, 小心駕駛.

Sapporo Day 03 - 20090720