由美瑛駕車去富良野, 中途看見一個花田, 立即停車入內參觀, 後來才知 "Kanno農場", 可能係第一個花田, 好興奮, 有很多不同種類的花, 不同顏色, 好正. 看完農場繼續行程, 經過 "深山峠展望台", 停車拍照可惜天陰兼開始有微雨, 看不見對面的群山, 附近有摩天輪和美術館, 我們都沒有幫襯, 但吃了夕張蜜瓜雪糕, 蜜瓜好甜. 下一站"町營薰衣草園", 坐吊車上山, 影了一會兒後便下山, 吃了一些小食和試了薰衣草汽水後繼續行程. 到了"富良野葡萄果汁工場", 買了一盒果汁Jelly, 再到附近的"葡萄酒工場", 工場後山有一大片薰衣草和葡萄樹, 行完便回工場參觀, 還可以免費試飲幾種葡萄酒 (我要揸車, 只飲了一小口), 還有果汁給小孩試飲, 我亦不客氣.
再出發去麓鄉, 中途看見一小幅向日葵, 停車影相, 揸車就有這個好處, 想停就停, 想走就走, 真舒服如果有朋友揸車仲好, 遲些團友到了可以輕鬆啲. 經過"「北國」撿來的家", 要入場費, 閃人. 終於到達"富良野果醬園"和"麵包超人專賣店", 肚餓了, 在餐廳叫咖哩飯和果醬麵包, 麻麻哋. 食完駕車去後山觀景台, 烏雲密佈兼大風, 又係無嘢睇. 再到附近的"麓鄉の森"參觀, 可能沒有看過「北國」劇集, 冇 feel.
時間差不多, 便揸車去富良野民宿"Ｂ＆Ｂふらの", 房間一般還有感覺比較舊, 放下行李再小休一會後才駕車到車站接另外兩位團友(Chris & Kevin), 因民宿沒有包晚餐, 所以去了車站附近的餐廳"くまげら", 它出名係和牛剌身丼, 水準不錯, 但價錢比較貴.
回程時, 天黑又沒有路燈, 開了車頭燈亦看不清楚, 令我十分緊張, 找了一會才開著高燈(在香港從未用過), 勉強看到之下, 有些驚險地回到民宿, 心裡決定晚上我不揸車.
 |
| Sapporo Day 04 - 20090721 |
2 則留言:
在富良野,坐吊車, 會唔會好驚呢?
在町營薰衣草園坐吊車唔係好驚,第二日上黑岳七目合嘅吊車就有的驚,全程扶住條柱.
張貼留言