十時許出發去 Maxwell Food Court Center 食天天海南雞飯，曹記雲吞麵和 Aunte 炒黑菜頭粿，海南雞飯好正，每次去新加坡必食之選．之後行 Ann Siang Hill Park，唔駛十五分鐘行完，去到另一個 Amoy Street Food Centre，想食個間但冇開，行咗陣試食咗木薯糕，普通啲．繼續行 China Town，欣賞吓啲好有特色的建築物．今日係兒童節，我選了４個廸士尼 crossover 變型金剛嘅模型比自己，大豐收．之後去 People's Park Food Centre 食 laksa，冇開，唯有再找．我老婆試咗個松餅榴槤 Pancake，佢話好有榴槤味好味，可惜我們三人冇人食榴槤，佢自己食晒．在家附近一間 KaTong 食 laksa 和 ButterCup 食格仔餅，便回家休息．
下午四時許出發去另一個山 Dempsey Hill，原本係軍營，現在改建為一個集飲食，購物，悠閒既好地方，行了一圈，幾舒服幾寫意，我好鍾意．之後係附近一間西餐廳 Oosh食晚餐，環境唔錯，食物都好好．我選了個３ courses 既晚餐，有忌廉栗子湯，柚子雪葩，烤澳洲牛柳，甜品係萍果奶酪，我好滿意．朋友就揀４ courses 既晚餐，有烤鮮磨菇芝麻菜沙拉，洋蔥湯，柚子雪葩，烤澳洲牛柳，萍果奶酪．老婆就散叫，煎鵝肝做前菜，再加烤羊架．朋友太太都係散叫，煎鵝肝做前菜，再加香蒜欖油虎蝦元貝仔炒意粉．四人都好滿意，食完還周圍影吓相，才回家．
 |
| Singapore Day 4 - 20100404 |
沒有留言:
張貼留言