Apr 03, 2010 - 新加坡美食之旅 Day 03

今天是這次旅行的重頭戲去環球片場玩和睇英超大戰曼聯對車路士．所以一早起床出發去 Vivo City 食早餐，原本想去的店未開，轉移去 Coffee Bean 食三文治，食完便坐 Sentosa Express 去環球片場，我們一早在網上訂了票，還害怕人太多因今天是星期六，入場後又不見得很多人．
進場後係 Hollywood Region 有很多店舖賣紀念品，沿路行去看見 Monster Rock（類似百老匯音樂劇）但未開場，便繼續逛 New York Region 看見很多紐約地標和片場旗下著名人物，可惜唔啱我，差利，瑪麗蓮夢露和 Betty，後來離開時才看見啄木鳥 Woody 已經係最好的．話咁快去到 Sci-Fi City Region，我們玩了 Accelerator （類似咖啡杯），另一個遊戲係十分驚險的太空堡壘（高速過山車），不過因出咗小故障暫停了十天，其實對我們都無咩損失，就算有得玩我們都唔會玩．然後步行到湖邊拍照，才發現地方很細，一個 Region 緊接著一個 Region，大形建築物一個緊貼一個．拍了一回兒便回去看 Monster Rock，不過唔係我杯茶．接著我們試咗"斯匹堡大導演主持的電影特效片場" Lights，Carmera，Action！呢個主要想遊客體驗電影特技效果做成的五級颶風，不過 feel 唔到．下一站去 Ancient Egypt Region，之前上網看網友介紹話個 Revenge of the Mummy（室內過山車）係有劇情，嘩，真係未試過，過山車都有劇情，雖然我有血壓高，不過山長水遠嚟到好想試吓，朋友見我咁有興致便陪我玩，哈哈，劇情我就唔覺有，不過都好刺激．玩完後便去下一站 The Lost World Region，途中開始下雨還越下越大，原本我們冇想這麼早食午餐，但不想浪費時間，便入餐廳食午餐兼避雨，嘩，人很多兼好亂，希望他們遲些會做好啲，不過食物水準不錯，海南雞飯，肉骨茶和巴東牛都 OK，我幾滿意可能開始時冇期望．
食完後雨還是未停，便繼續上路，原本想看 Water World（現場特級動作演出）但下雨冇得睇，便去 Far Far Away Region 的 Shrek 4-D Adventure（四維特效影片），這個都 OK 好睇．個出口係一間店舖，還俾我們發現室內摩天輪～Magic Potion Spin，個摩天輪好細但大人亦俾玩，有唔長龍，就排隊玩，但好窄感覺麻麻．玩完便去最後 Region - Madagascar，得個朱利安國王旋轉舞會（旋轉木馬），不過啲動物造型好攪笑，好可愛，十分適合小朋友，所以我們一起回復童真，一起玩．之後周圍走走，再去 Water World 睇吓有冇表演，有還開始了一回兒，之前係大阪睇過，所以覺得他們有很大可以進步的空間．睇完後出返 Hollywood shopping，有啲失望找唔到一些一睇就想買，草草買一些交差便離開．
離開後便去賭場轉一圈，輸少少．出返 Vivo City 個 food court 食晚餐，個福建炒蝦麵好好美味，還叫了碟炒牛河和羅o惹都可以．食完便坐的士回家睇波，結果係我們傷心，唉，又輸俾球証同旁証，真失望．心情唔好兼肚餓，落街找嘢食，去 Udder 食雪糕再到 Starbuck 食蛋糕，才回家休息．

Singapore Day 3 - 20100403