Feb 14, 2010 - 日本北陸之旅感想

第一日就遲咗三小時到日本，感覺真係麻麻，但想真啲，好過飛飛吓話你知有問題，不過係國泰先可以咁快換到機，都算唔錯，下次有錢都係幫襯國泰，穩陣．
天氣真係凍，特別係首三天，穿了四件都頂唔順，回到大阪才好些．又落雨，又有雪，又有冰，但行程都幾順利，冇塞車，團友都好合作，冇遲到，唔錯．雖然凍，但那三天都有溫泉浸，真係好嘆．
食物都唔錯，每餐都好豐盛，好飽，好好味．第四日自己加料更正，只係好貴，但一世人都要試一次，才算不枉此生．
今次旅行有好有壞，壞處係我想到的地方逗留時間實在太短，但跟團就是這樣的．但跟團亦都有好處，就係可以輕輕鬆鬆毫無壓力下行完所有景點，真舒服呀．
可能近排好有壓力，不以為然下便買了很多禮物，Pack行李時才知自己有少少失控，下面就是我的戰利品．可能買咗咁多才覺得今次旅行唔錯，要俾心機搵錢繼續去旅行，達成小螞蟻的願望．

戰利品