一早起來天氣很好還給我影到日出，相信今日會很順利．上車前到湖邊拍照留念，風景很好，可惜要出發去大阪，希望下次可以逗留一天細心欣賞．今日獨腳戲～環球影城，入到園內立即去我很喜歡的蜘蛛俠機動遊戲，因為好逼真，但要排成兩個幾鐘，唯有買快証，雖然貴啲，但唔駛排咁耐，都值得嘅．我們三個年紀大買四個遊戲的快証，年紀細買七個．玩完刺激的〔蜘蛛俠〕，然後去玩麻麻地嘅〔回到未來〕，再去睇特技表演〔未來水世界〕，時間未到便去食午餐先，食完便去睇表演，幾得吓．睇完後銘自己去玩〔侏儸紀公園〕，會濕身的，然後一起去體驗〔烈火雄心〕，好有 feel，再去睇立體電影〔未來戰士２〕，睇完都唔記得，好極有限．之後老婆和母親去逛園內店舖，我就帶銘去玩〔大白鯊〕和〔４D芝麻街〕．玩完後只餘少許時間給我購物，不過難不倒我，一樣買到，利害嗎．
六時上車出發去神戶食晚飯，導遊見還有少許時間便到漁人碼頭旁影夜景．晚餐食鐵板燒，雖然食物唔算很好，但我們經旅行社加了海胆，神戶牛和松板牛．海胆好鮮甜，不須加料，放在白飯上一起食，已覺得好正．神戶牛不算很特出，可能係我燒得唔好，但松阪牛就超正，塊牛扒還有証書，你話幾誇張呀．食得好滿足，但找數就大大鑊哪，不過食得開心貴啲都值得啦，我的格言．
回到酒店就慘啦，點解？之前落咗嘅手信（食物）訂單，要找數還要 pack入喼，幾經搏鬥後始終都係放唔晒，唯有同導遊借個紙盒，終於攪掂可以上床睡覺，好倦呀（好似每次都是這樣的）．
 |
| Day 4 - 20100213 (Lake Biwa, Osaka, Kobe) |
沒有留言:
張貼留言