Jul 05, 2010 - Macau Day 02

酒店 Package 冇包早餐，所以起床後便去酒店內泳池游水影相，游完水梳洗後便 Check Out．因為天氣實在太熱又萬里無雲，便坐的士由酒店直去望廈山上的旅遊學院餐廳食午餐，Ceci 選了龍蝦湯，主菜燒焗鵪鶉，自助甜品和紅酒一杯．我選了前菜煎鴨腿，炖鴿清湯加意大利小雲吞，主菜煎鯛魚扒和白酒一杯．環境唔錯，食物亦有水準，價錢亦不貴，四百有找，下次時間許可一定會再來．食完後搭巴士去碼頭再轉酒店車返 Grand Hyatt Hotel 拿行李再到 Hard Rock Hotel Check-In，上房後周公急 Call 我，Ceci 自己去威尼斯人 shopping，六時許便一起出發去官也街內的亞馬交餐廳食晚餐，店舖很細，一定要訂位兼有一些招牌菜要預定，我們冇訂位好彩啱啱有一張兩位枱，之後有人來都冇位招呼．我們 Order 了半隻葡國雞，葡式炒蜆，一個麵包，一碟飯和兩枝澳門啤酒，本來想飲生果酒但都要預定先有．食飽回酒店，去看新濠天地內天幕免費播放的3D電影：龍騰，然後再去賭場轉一圈，今次贏少少，但兩日加起來都要輸少少，便回房休息．

2010_07_05 - Macau Day 02