船：１９：００(去)，第二日 ２０：００(回)
住：威尼斯人酒店
食：峰景餐廳 (晚)，Cafe Deco (早)，Robuchon a Galera (午)，小飛象 (晚)
放工後上船去澳門，上到房間已九時左右，決定去氹仔峰景餐廳食田雞蟹粥，再加米通鯪魚球和薑蔥煮蠔，緊係要啤一啤，兩人食咗二百幾元，飽到頂唔順，決定行返酒店，行咗一小時都未到，唯有坐車返去啦．晚上以為有曼聯歐聯賽事看，起身後才發現只有拜仁對祖記，半睡半醒下看完比賽．
因為套票包了早餐，諗住大酒店早餐應該唔錯，八點幾起床去 Cafe Deco 食早餐，唉，下次都係睡久一些，現在好倦呀．然後入賭場轉一圈就唔見四百元，返房小休一回後 Check-out．
出發去今次澳門之旅重頭戲米芝蓮三星法國餐廳 Robuchon a Galera 食午餐，想去很久了，終於找到機會去豪一次，每人 Order 了個 Set Lunch (頭盆，湯，主菜和甜品) 和叫了兩杯酒．先來一籃麵包，食了半籃立即叫自己停手，唔係以後個啲點食呀．然後來了一客生蠔做前菜．頭盆我選了魚子醬三文魚他他(要另加八十元)，老婆叫了鵝肝，鵝肝唔膩好味．我們兩人都叫了海鮮湯，不過個湯係凝結咗但係熱嘅．主菜我食黑豚肉，老婆食燒鵪鶉．甜品一人選三樣，再來一杯餐飲，好飽好好味，結帳一千五百蚊有找，哈哈，終於試過米芝蓮三星．
套票包了去曼聯 Shop 的 Man-U Experience 入場，所以回威尼斯人行逛直到晚上.
晚餐想吃葡國菜，便坐的士去阿曼諾但見佢冇開，便轉去官也街亞馬交，又係休息，再去山度士開六時半，驚趕唔到班船，唯有去小飛象，唉，不題也罷．
食完回酒店拿行李坐船回港．
 |
| 2009_12_08-09 - Macau |
沒有留言:
張貼留言