我的今年願望--曼聯五冠王

今日腦海內突然閃出一個念頭，或者係我今年的願望，亦是全部曼聯迷好期望的夢想五冠王，如果我這一個曼聯迷可以親身目睹，咁就 very good la．
點解有這一個念頭，後來回想起來找到一些理由：
１．曼聯最近嬴咗第二冠聯賽盃，氣勢正盛，聯賽亦領先７分兼打少一場，大有機會得到聯賽冠軍，五冠王好大機會實現．
２．上次去現場睇波，個種氣氛，真係在家裡不能比較，如果係決賽，我想更加不得料．
３．可能今年歐冠盃決賽係意大利羅馬舉行，意大利好想去呀．
４．最近有一些不開心，好想出去散下心和 relax 吓．
５．電視最近播了一套戲，其中一個女角經常係自己個 blog 寫自己係有錢女經常去旅行，其實係望住本公仔書來作故仔，啟發到我計劃行程係唔須要錢，計劃下沒有損失，如果真係比我夢想成真，咁就正 la．

好多好多原因，只不過係比自己一些藉口，夢想吓．

所以立即坐言起行，上網找比賽日期，因為聯賽冠軍好大機會提前得到，只好找最後一場主場賽事 5/16，對手係阿仙奴，正，就這一場．然後係歐冠盃決賽 5/27，係羅馬，最後係足總盃決賽 5/30，應該係倫敦．
香港出發在 5/15，第一站 Manchester 在 5/16 睇波，然後 5/17 出發去 Italy，玩到 5/27 到羅馬睇波，5/29 回倫敦在 5/30 睇波，5/31 返回香港，到達 6/1，總共18日，要請11日假，都 OK 啦．

重點係計劃 Italy 行程，想起有朋友最近去過，立即去她的 facebook 找資料，Milan 米蘭，Venice 威尼斯，Pisa 比薩，Roma 羅馬 和 Vatican 梵諦岡，唔錯．然後再上網找一吓還有那一些地方值得去的，Bologna, Firenze, Siena 都不錯，大約行程完成．

行程如下：
http://spreadsheets.google.com/pub?key=ppkW1YxGmfw_F_157_xcMQA

這個願望須要曼聯球員的努力，再加上朋友的支持，睇波都係多些人一起睇開心啲，希望願望成真．